Rimani sempre aggiornato sulle notizie di siniscolanotizie.net
Diventa nostro Fan su Facebook!

Poesias | “In sos guruttos de sa mente” di Vittorio Sella

| Categoria: Personaggi
STAMPA

"In sos guruttos de sa mente” di Vittorio Sella, quarto premio ex aequo nella sezione "Antonio Sanna" della 57ma edizione del "Premio Ozieri"

Zente a fughitura miro
e torra cuncordu de lamentos
tinniant intro sas ruinas
de sos carros de gherra.
E pruere impestatu si pesat,
toscat s'aghera
supra sos fruttos de sa terra,
supra sas cuperturas
derrutas dae sas minas
chi falant dae chelu
in sas domos de oriente.

Minutzant muraglias
e rughent sas costanas
in sos dormitoglios de sos pitzinnos.

Erpilìas iscutinant sa carena,
cancarant sas froeddas de sos arvores
in su campu nostru vioritu.
Atturbant sos ocros de s'anima
in s'andala nostra
chi avantzat dudosa
in s'iscuriore de su tempus beniente.

Su pessamentu chi bivet in pena,
como a manzanu m'ischitat,
istrigliat su sentitu dolente
e lampas de luche chi iscrarit
in sos guruttos secretos de sa mente
petit chin fùria.
Serenet gai s'ispreu
de chie chin s' alenu trattesu
est a imberghitura chin bestes istratzulatas
in su mare in buriana,
negatu dae jaccas de ilu ispinosu.

Contatti

redazione@siniscolanotizie.net
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK