Rimani sempre aggiornato sulle notizie di siniscolanotizie.net
Diventa nostro Fan su Facebook!

Poesia, bandito il primo "Prèmiu Vitòriu Sella" in omaggio all'indimenticato storico e insegnante bittese/siniscolese

| di Gianfranca Orunesu
| Categoria: Attualità
STAMPA
Vittorio Sella in Biblioteca con il suo ultimo libro (foto Mauro Piredda)

A pochi mesi dalla scomparsa, lo scrittore e giornalista Vittorio Sella sarà ricordato a Siniscola con un premio di poesia a lui dedicato. Il «primo di una lunga serie», come affermano gli organizzatori del concorso ideato come appuntamento annuale. L’idea, che ha subito ricevuto l’approvazione e il supporto della famiglia del compianto storico e insegnante bittese/siniscolese, nasce allo staff dell’art café Gana ‘e Gortoe in sinergia con Giumar multiservice. La macchina organizzativa è in piena attività con una giuria già individuata (ne faranno parte Bustianu Pilosu, Oreste Braghieri, Màuru Piredda, Zosepe Piras e Santinu Marteddu) e con un cronoprogramma definito nei giorni scorsi: entro il 30 luglio l’arrivo delle poesie; entro il 15 agosto la valutazione dei componimenti; il 30 agosto la premiazione nell'arena rocciosa del bar caffetteria situato presso l'omonima grotta carsica. Di seguito il bando integrale.


 

1) Su primu “Prèmiu Vitòriu Sella” de poesia sarda est unu cuncursu literàriu in memòria de s’istòricu, giornalista e iscritore bitzichesu/thiniscolesu a pagos meses dae sa dispedida sua. Un’omenàgiu a sa figura e a sos traballos suos pro dare valore a sa terra nostra. Cunforma a custa punna invitamus sos poetas de Sardigna a pigare parte a custu prèmiu imbiende unu cumponimentu in limba sarda o in àteras minorias linguìsticas (tataresu, aligaresu, gadduresu, tabarchinu).

2) Cada poeta podet pigare parte a su prèmiu cun una poesia ebbia seberende una de sas duas setziones ammìtidas: poesia in rima; poesia a versu lìberu. Non b’at perunu tema impostu, ma diat èssere cosa agradèssida a retzire cumponimentos in lìnia cun sas temàticas carignadas dae s’istimadu Vitòriu in sos artìculos, in sas monografias, in sas poesias e in sos contos suos. Sas poesias devent èssere inèditas (mai publicadas, nemmancu in internet) e mai premiadas in aterue.

3) Sas poesias est mègius chi non nche barighent una pàgina word (interlìnia sìngula e 12 puntos de mannària caràtile). Intro de su 30 de trìulas nche devent cròmpere a sos giurados via posta eletrònica imbiende·nche·las a s’indiritzu info@giumarmultiservice.com e inditende·li in s’ogetu una de sas optziones chi sighint: “Prèmiu Vitòriu Sella” - Setzione in rima; “Prèmiu Vitòriu Sella” - Setzione a versu lìberu. In cada poesia non devent mancare tìtulu, nùmene e sambenadu de s’autore e nùmeru telefònicu. Sas poesias in tataresu, aligaresu, gadduresu, tabarchinu est mègius chi crompant in pare cun una tradutzione in sardu o in italianu.

4) Pro su chi pertocat su sardu est mègius chi sos poetas sigant a su nessi sas règulas de su “Premio Ozieri” (http://www.bibliotechelogudoro.org/PremioOzieri/Regole.asp). Chie cheret podet iscrìere cun sas règulas de sa limba comuna. Pro chistiones de mètrica o esigèntzias de rima, no amus a impedire s’impreu de sa vocale paragògica a concruos de faeddu, bastis chi (s’in casu acontessat) nche siat in intro de una parèntesi. Es: sos pitzinnos(o).

5) Sos chimbe giurados ant a seletzionare sas poesias cunforma a sa chirca cuntzetuale e linguìstica de cada autore. A costàgiu de sa giuria tècnica, su die de sa premiatzione, una giuria populare cun àteras chimbe persones at valutare sas poesias e sas interpretatziones de sos premiados e de sos mentzionados presentes. De custa manera ant a èssere tres sas classìficas: 1) Setzione in rima (tres premiados e tres mentzionados); 2) Setzione a versu lìberu (su matessi); 3) Classìfica populare (unu binchidore ebbia). In contu de prèmios sos poetas ant a retzire produtos artesanales e eno-gastronòmicos locales gràtzias a s’agiudu de operadores e atividades de su logu.

6) Sos poetas premiados e mentzionados ant a retzire s’avisu (in risposta a sa prima mail o a su nùmeru telefònicu inditadu in sa matessi) non prus a tardu de su 15 de austu. Sa positzione in classìfica at a èssere comunicada su die matessi de sa premiatzione. Sas poesias premiadas e mentzionadas las amus a pònnere a cumone imprentende unu libreddu chi amus a intregare a totu cantos sos poetas in cuncursu (bastis chi presentent) in pare cun una pergamena in ammentu de su cuncursu e, mescamente, in ammentu de s’istimadu Vitòriu.

Gianfranca Orunesu

Contatti

redazione@siniscolanotizie.net
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK