Rimani sempre aggiornato sulle notizie di siniscolanotizie.net
Diventa nostro Fan su Facebook!

Sos candidados a sa Presidèntzia: 4) Ugo Cappellacci

| di Mauro Piredda
| Categoria: Politica
STAMPA

Ugo Cappellacci est su guvernadore uscente. At ghiadu sa legisladura chi est comintzada in su mese de freàrgiu de su 2009 e, como, est chirchende de pòdere guvernare àteros chimbe annos paris cun sa coalitzione sua chi est cumposta dae Forza Italia, dae sos zonafranchistas de Randaccio, dae sos Frades de Itàlia, dae sos Riformadores, dae s'Udc, dae s'Uds e dae sos sardistas de su Psd'Az chi sunt torrados a cuile a pustis de àere chircadu s'acordu cun su Pd.

Cappellacci faeddende de sa resèssida de s'atzione polìtica sua mentovat s'istrada Tàtari-Terranoa, s'abolitzione de sas provìntzias, sa flota sarda (mancari chi s'Unione europea siat faeddende de “agiudos de istadu”), s'agiudu a 3400 impresas pro mèdiu de su micro-crèditu, sos progetos de filiera e de isvilupu locale, su de àere minimadu s'Irap de su 70%, su de no àere aumentadu su ticket, s'abertura de unos cantos repartos de ospidales. Pro sos chimbe annos imbenientes (s'incasu torret a bìnchere) sas solutziones propostas sunt sa de sa zona franca e sa de cambiare su pianu paesagìsticu. Sas opositziones narant chi su suo est su peus guvernu de s'istòria de s'autonomia sarda.

Ugo Cappellacci est nàschidu in Casteddu su 27 de santandria de su 1960. Est unu dutore cummertzialista e, comente polìticu, ultres a èssere presidente de sa Regione, est istadu coordinadore regionale de Forza Italia e finas assessore a sa Programmatzione in sa comuna de Cateddu (dae su 2004 a su 2008).

Mauro Piredda

Contatti

redazione@siniscolanotizie.net
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK