Manifestatzione de duas dies a inghìriu de "Sa Die de sa Sardigna" ammaniada dae s'Assessoradu comunale a sa cultura, dae su Sistema bibliotecàriu urbanu, dae s'Istitutu tècnicu cummertziale "Luisi Ozanu" e dae sa cumpangia teatrale "To Kaos". Chenàbura su 9 de maju in pratza de "Sas Gràssias" a sas 8,30 a parte de sero s'ispetàculu teatrale de sos "To Kaos" intituladu "Su bentu 'e sos ammentos". Sàbadu a sas 9,30 in s'Itc poesia a bolu cun Zosepe Porcu e Brunu Agus acumpangiados dae su tenore "Montalbo". At a istèrrere sa relata Vitòriu Sella. A borta de die, a sas 17,30 sos pitzocos de s'ITCG paris cun poetes e tenore ant a presentare su traballu "Cando si tenet su bentu est pretzisu bentulare".