Rimani sempre aggiornato sulle notizie di siniscolanotizie.net
Diventa nostro Fan su Facebook!

Presentadas sas listas. Definidas sas coalitziones. Si partit!

| di Mauro Piredda
| Categoria: Politica
STAMPA

Cun sa presentatziones de sas listas (paris a sas firmas netzessàrias pro unas cantas fortzas polìticas) amus unu cuadru cumpletu de su chi amus a agatare in s'ischeda eletorale.
Sos candidados sa presidèntzia de sa Regione ant a èssere sete.
Ant a sustènnere Ugo Cappellacci Fortza Itàlia, s'Udc, s'Uds – Sardos unidos, sos Riformadores, sos Frades De Itàlia, sos sardistas de su Psd’Az e sa lista Zona Franca Randaccio.
Frantziscu Pigliaru est imbetzes sustènnidu dae su Partidu democràticu, dae Sel, dae sos Birdes (paris cun s'Idv), dae su Tzentru Democràticu, dae s'Upc, dae La Base-Movimentu sardista, dae su Psi, dae sa Manca sarda (Prc/Pdci), dae s'Upc, dae sos RujosMoros, dae su Partidu de sos sardos e dae sos indipendentisas de Bainzu Sale (Irs)
Màuru Pili est a cabu de una coalitzione de sa cale nde faghent parte su movimentu suo, Unidos, sa lista Màuru Pili presidente, e sa lista Soberania.
Sa coalitzione Sardigna Possìbile ghiada dae Michela Mùrgia est cumposta dae duas listas tzivicas (Gentes e Comunidades) e dae sos indipendentistas de Progres.
Pedru Frantziscu Devias at a ghiare su Fronte indipendentista unidu, Luisi Sanna su Movimentu Zona franca e Micheli Ànghelu Serra sa lista "grillina" Onestade e progressu.

Mauro Piredda

Contatti

redazione@siniscolanotizie.net
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK